2025 жылғы 26 ақпан күні Білім беруді дамытудың инновациялық орталығы география пәні педагогтеріне «Табысты сабақ: тиімді жоспарлау, бағалау, кері байланыс» тақырыбында облыстық семинар өткізді. Семинар жұмысына облыстың 100 педагогі қатысты.
Семинар барысында сабақтың тиімді жоспарын құрудың негізгі принциптері мен әдістері талқыланды, танымдық іс-әрекетті жандандырудың белсенді әдістері мен тәсілдері, сондай-ақ заманауи бағалау құралдарын қолданудың тиімді әдістері, критериалды және формативті бағалау принциптері ұсынылды. Білім алушыларға өздерінің жетістіктері мен жақсарту аймақтарын жақсы түсінуге көмектесетін сындарлы және уақтылы кері байланыстың маңыздылығына ерекше назар аударылды.
Семинар қатысушыларға жаңа әдіс-тәсілдерді қарастырып, сабақ беру сапасын арттыруға, сондай-ақ кәсіби өсуін жалғастыруға мүмкіндік берді.
