2024 жылдың 13 желтоқсан күні Білім беруді дамытудың инновациялық орталығы «Ұлттық адами құндылықтарға негізделген «Біртұтас тәрбие» бағдарламасы» тақырыбында әдістемелік сағат жүргізді.
Әдістемелік сағат барысында бағдарламаның іске асырылу жолдары, тәрбие үдерісінде қолданылатын әдіс-тәсілдер мен практикалық құралдар жан-жақты қарастырылды. Ұлттың бірегей мәдениетіне, салт-дәстүрлеріне және құндылықтарына деген құрмет сезімін қалыптастырудың маңыздылығы туралы терең ойлар айтылды.
Тәрбиелік жүйемізді жаңа бағытта, заманауи талаптарға сай қалыптастыру үшін қажетті құнды ақпараттар мен практикалық кеңестер алуға мүмкіндік берді.
