2024 жылғы 27 ақпанда Павлодар облысының білім беру басқармасы «Білім беруді дамытудың инновациялық орталығы», Павлодар облысының «Өрлеу» БАҰО АҚ филиалы және Ақсу қаласы білім беру бөлімінің жоспары аясында Ақсу қ. Абай атындағы ЖОМ базасында «Білім үрдісін жетілдіру арқылы өскелең ұрпақтың бойына рухани құндылықтарды қалыптастыру» тақырыбында республикалық семинар-практикум өткізілді.
Семинар-практикум барысында білім беру үрдісін жетілдіру арқылы өмірлік құндылықтарды қалыптастыру, ұлттық құндылықтарымызды дәріптеп, өскелең ұрпақтың бойында адамгершілік ұғымдары мен дұрыс мінез-құлық қалыптастыруға ықпал ету. Сабақта қолданылатын белсенді оқу әдістерін, қызықты платформаларды тиімді пайдалануды, кері байланысты жүргізуді тәжірибеде көрсету және пән мұғалімдерінің өзара тәжірибе алмасуын қамтамасыз етілуі қарастырылды.
Қатысушылар республикалық семинар-практикум соңында білім үрдісін жетілдіру бойынша өзекті мәселелерді талқылап, күнделікті сабақтарда пайдаланатын платформалар мен жұмыс түрлері бойынша озық тәжірибелермен алмасып, ой бөлісті. Өскелең ұрпақтың бойына рухани құндылықтарды қалыптастыру міндетін қарастырды.
