24 қарашада облыстық Білім беруді дамытудың инновациялық орталығында орта білім беру ұйымдарының әдістемелік қызметі мен әкімшілік корпусының қызметкерлеріне «Мектепішілік бақылауды ұйымдастырудың тетіктері» тақырыбында оқу-әдістемелік сағаты өтті.
Онлайн семинар барысында заманауи жағдайда мектепішілік бақылауды ұйымдастырудың жаңа тәсілдері анықталды. МІБ-да критериалды бағалау қағидасына баса назар аударылады (әр сапаның өз көрсеткіштері болуы керек, ал әрбір көрсеткіш жетістік деңгейлерін сипаттауы керек (деңгей дескрипторлары). Семинардың бірінші бөлімінде нәтиже сапасына қойылатын талаптар қарастырылды: мектептің қол жеткізген оқу нәтижелерін бағалау; процестің сапасына қойылатын талаптар: оқу іс-әрекеті жағдайларының сапасын бағалау; білім беру бағдарламаларының құрылымына қойылатын талаптар: «бөлінген жауапкершілік» қағидасы бойынша білім беру қызметінің барлық субъектілерінің басқару қызметінің сапасын бағалау.
Семинардың практикалық бөлімінде «Мектепішілік бақылаудың тәжірибелік тетіктері» блогында МІБ жобалау алгоритмі ұсынылды: оқу үдерісінің сапасын бақылаудың матрицалық негіздері, білім олқылықтарын толтыру бойынша жұмыс және үлгерімі төмен оқушылармен жұмыс; сабақ сапасының деңгейлік дескрипторлары бар бірыңғай бағалау жүйелері; пәндік мектепішілік іс-шараларды бағалау критерийлері.
