2023 жылғы 26-сәуір күні Павлодар облысының Білім беруді дамытудың инновациялық орталығы мен Железин ауданы білім беру бөлімінің әдістемелік кабинетінің жылдық жоспарына сәйкес «Құндылықтарға негізделген білім беру» тақырыбында облыстық семинар өткізілді.
Семинар Железин ауданының №2 және М.Дулатұлы атындағы №3 жалпы білім беру орта мектептерінде өтті. Семинарға инновациялық орталығының әдіскерлері, білім беру бөлімдерінің әдістемелік кабинетінің меңгерушісі мен әдіскерлері, мектеп басшыларының орынбасарлары және пән мұғалімдері қатысты. Семинар барысында пән мұғалімдері, тәлімгерлер мен жас мамандар кіріктірілген ашық сабақтар, сыныптан тыс іс-шаралар мен шебер сағаттар өткізілді.
Семинардың екінші бөлімінде Инновациялық орталықтың әдіскерлері «Lesson Study: зерттеуден мектептегі тәжірибеге» тақырыбында коуч сессиясын өткізді.
Семинар соңында инновациялық орталығының әдіскерлері мен семинарға қатысушылар өз пікірлерін білдіріп, кері байланыс берді. Семинарға қала, ауданнан 50-ге жуық қатысушы қатысты.
