Іс-шара барысында бастауыш мектепте сабақтарда метапәндік құзыреттіліктерді қалыптастыру, оқытудың белсенді әдістерін қолдану арқылы білім алушылардың рефлексивті дағдыларын дамыту, жобалау-зерттеу қызметі арқылы құзыреттіліктерді дамыту мәселелері талқыланды. Педагогтер «Жеті модульді интеграциялау арқылы бастауыш сынып оқушыларының негізгі құзыреттіліктерін қалыптастыру», «Мәтінді кесептерді модельдеу және шешу кезінде танымдық және интеллектуалдық қабілеттерін дамыту», «Негізгі құзыреттіліктер арқылы әдеби оқу сабақтарында интеграцияланған тәсілді іске асыру» тақырыптары бойынша жұмыс тәжірибесін ұсынды.
Тыңдаушылар оқытудың құзыреттілік моделі жоғары нәтиже беретінін, педагог үнемі шығармашылық ізденісте болуға, барлық жаңа нәрселерді үйренуге және педагогикалық практикада тиімді қолдануға тиіс екенін атап өтті.
