Павлодар облысының білім беруді дамытудың инновациялық орталығы 2024 жылғы 14 қараша күні Ақсу қаласының «Балапан» балабақша базасында «Балабақша мен мектеп арасындағы педагогикалық технологиялар сабақтастығы» тақырыбында облыстық интенсив- семинар өткізді.
Іс –шара барысында мектепалды топтарының сауат ашу негіздері бойынша ұйымдастырылған іс әрекет, «BabySkills» бойынша шығармашылық зертханалардың қызметті, STEM зертханасының жұмысымен таныстырды.
Интенсив- семинар аясында Ақсу қаласының №18, №2 «Балдырған», «Балапан», «Айналайын» балабақшалары, Аққулы ауылының ЖББМ мектепалды сынып мұғалімі «Ұлттық құндылықтарды дәріптеуге танымдық, дамытушылық ойындар», «Асықтарды инновациялық пайдаланудың тиімділігі»,«Ұлтық ойындарды заманауи түрде қолдану жолдары», «Фототерапия әдісі» шеберлік сағатта тәжірибелерімен бөлісті.
Балабақша мен мектептің сабақтастығы мәселелерін шешу жолдарын белгілеп, балабақша мен мектеп арасындағы педагогикалық технологияларды қамтамасыз ету бойынша материалдар ұсынылды.
